ACREDITACIÓNS        BOLSA DE EMPREGO

EDUCALIDADE        PROFESORADO        AULA VIRTUAL          

                                                   Visita ó Centro Galego de Innovación de Formación Profesional – CS Proxectos Edificación

 

Os alumnos de 1º e 2º curso do Ciclo Superior de Proxectos de Edificación do CIFP A Farixa, visitaron o pasado martes 5 de decembro de 2023, o Centro Galego da Innovación da Formación Profesional, Centro Eduardo Barreiros de Ourense. Foron recibidos pola Directora do Centro Dª Marta Vázquez e acompañados durante a visita pola Asesora de Emprendemento Dª Marisol Amoeiro. Alí puideron ver os distintos talleres nos que se está a investigar na actualidade, tales como Biotecnoloxía, Industria 4.0, Impresión 3D, Realidade Virtual, etc., recibindo explicacións dos asesores encargados de cada área. Puideron percorrer todas as dependencias e observar as características e instalacións deste moderno edificio.

 

 

 

 

 

 

                                                    Conferencia sobre CiberSeguridade polo Ministerio de Defensa

O pasado día 5 de decembro tivemos a visita de dous representantes do Ministerio de Defensa pertencentes á armada e ó exército. Na súa visita explicáronnos temas relativos a redes informáticas, seguridades e como podemos melloralas. Queremos dar un especial agradecemento a Don Eligio Soto e Don José Duque polas súas charlas e o seu bo trato para con nós.

 

 

 

                                                   Explorando a Saúde Respiratoria coa profesora Sonia Souto

A profesora Sonia Souto Camba, da Facultade de Fisoterapia da Universidade da Coruña, cativou ao alumnado dos ciclos da familia profesional de Actividades Físicas e Deportivas e Termalismo coa súa charla "Health is in the Air". Desde o tamaño pulmonar até a estrutura das vías respiratorias, abordou temas como alternativas ao tabaco, o impacto do ambiente na saúde e a relación entre a infancia e a saúde respiratoria adulta. O seu enfoque científico actualizado non só respondeu preguntas, senón que tamén xerou reflexión sobre a importancia de coidar a nosa saúde respiratoria na vida diaria. Grazas á profesora Sonia Souto por esta perspectiva reveladora!

 

 

 

                                                   Clase de Step impartida por Sofía Pérez

Clase de Aerobic Step impartida sola profesora Sofía Pérez o luns 4 de decembro para alumnado do módulo de Acondicionamento físico e Animación socio deportiva de 1º curso de DUAL

 

 

 

 

                                         Os ciclos de imaxe e son do CIFP A Farixa visitan Fotoescola

O alumnado de 1º e 2º de Vídeo DJ e Son e o 1º curso de Produción de Audiovisuais e Espectáculos asistiron hoxe a Fotoescola, xornadas formativas organizadas pola Consellería de Educación en colaboración coa Escola Mestre Mateo de Santiago e González Almacén Fotográfico de Lugo. Neste evento, celebrado no edificio Fontán da Cidade da Cultura, os alumnos e alumnas de imaxe e son do CIFP A Farixa tiveron a oportunidade de asistir a seminarios impartidos por profesionais sobre a mecánica da fotografía, a iluminación creativa para vídeos ou a elaboración de streaming para eventos, entre outros, e de asistir a unha masterclass impartida por Ofelia de Pablo e Javier Zurita, de HakawatiFilm.