ACREDITACIÓNS        BOLSA DE EMPREGO

EDUCALIDADE        PROFESORADO        AULA VIRTUAL          

Visita dramatizada "O segredo dos franciscanos"

O pasado luns 6 de maio o alumnado do 1º curso do ciclo de Guía, información e asistencia turísticas e 1º de Electricidade e electrónica desfrutaron dunha actividade organizada polo Arquivo Histórico Provincial de Ourense (AHPOu). Baixo o nome "O segredo dos franciscanos" organízase esta actividade teatralizada na que os alumnos se mergullan na historia medieval visitando diferentes espazos senlleiros da cidade de Ourense nos que a Orde Franciscana tivo presenza, rematando coa visita do claustro do convento de San Francisco. Deste xeito, da man de Xoana a Lavandeira e Frei Xan o Farrapeiro os alumnos coñeceron o legado histórico e artístico que deixaron os franciscanos na nosa cidade, e reflexionaron acerca do valor do seu patrimonio documental, tan rico pero tamén tan descoñecido.   

 

 

 

 

1º Premio Olimpiadas Teleco - alumnos de 1º de STI - 2024

O pasado 26 de abril, no salón de actos da Escola de Enxeñería de Telecomunicacións de Vigo, celebráronse as II Olimpíadas de Telecomunicacións, na que resultaron gañadores os nosos alumnos. 

Para esta edición case se duplicaron os equipos participantes, cunha afluencia de máis de 400 participantes. As presentacións realizáronse en conxunto cos equipos de bacharelato. 

A fase estatal, na categoría de FP, celebrarase en liña entre o 13 e o 14 de maio.
 
Noraboa campións!!                                                                                                                [notas de prensa]        Reportaxe de Telemiño

 

 

 

 

 

Libérate a través da xestión emocional!

 

Hoxe no CIFP A Farixa tivemos unha experiencia incrible explorando o mundo do benestar emocional e da saúde mental co noso alumnado.

No obradoiro afondamos no fascinante mundo da atención plena e das técnicas de respiración para axudar ao noso alumnado a atopar o seu equilibrio emocional no medio do rebumbio diario. Exploramos como prestar atención ás nosas emocións e pensamentos pode ter un impacto positivo na nosa saúde mental e no benestar xeral.

Foi inspirador ver ao noso alumnado comprometido e aberto a aprender novas formas de coidar de si mesmos/as!

Queremos agradecer a Cristina Pérez (Experiencia Wellness) por guiar este obradoiro dun xeito tan motivador. Grazas por compartir os teus coñecementos e experiencias connosco!

 

 

                   

 

Visita a Norvento dentro do progama EDUTECEmprende

Dentro do programa EDUTECEmprende, promocionado pola Consellería de Educación, fixemos unha visita ás instalacións de Norvento en Vilalba.

Da man de Don José Ignacio Montemayor, Responsable NED Factory Norvento, poidemos coñecer de preto a fabricación das partes electromecánicas contidas nunha das góndolas da súa fabricación. Tamén vimos a fabricación das propias carcasas exteriores das góndolas e máis as palas dos aeroxeradores en fibra.

Posteriormente, e xunto con Eloy e Claudia, encargados da área de mantemento, poidemos coñecer o parque eólico das Curuxeiras, no cal dispoñen de 31 aeroxeradores cunha potencia de 1,6MW e 74 metros de altura cada torre.

Moitísimas grazas a estes grandes profesionais pola súa achega ao coñecemento e o tempo que nos dedicaron.  

 

 

 

EROBIC LATINO

Fomos testemuñas dunha nova modalidade de baile: aeróbic latino con Hugo Alonso da escola de danza Estilo Libre.