OFERTA EDUCATIVA - Curso 2026 - 2027

Prazos do proceso de admisión - Curso 2026 - 2027

Convocatoria probas de acceso ensinanzas deportivas

Curso 2026 - 27

CALENDARIO FÚTBOL SALA RESOLUCIÓN

Relación prov. inscritos proba substitue requisito acceso Nivel Superior

Convocatorias de mobilidade de alumnado de ciclos superiores para prácticas no estranxeiro de setembro a decembro 2026

Convocatoria anexo I anexo II

As persoas interesadas deberán presentar a solicitude na secretaría do centro correspondente do 8 de xuño ata o 16 do mesmo mes de 2026, antes das 14:00 h.

O impreso de solicitude está no Anexo I desta convocatoria e tamén pode recollerse na secretaría de cada centro.

Xunto coa solicitude deberá achegarse a seguinte documentación:

▪ Documentación acreditativa da competencia lingüística alegada.

▪ De ser o caso, Compromiso de Acollida da empresa no estranxeiro (Anexo II desta convocatoria) ou outra proba documental.

▪ De ser o caso, calquera dos documentos descritos no punto 5.2 destas bases, sobre a Axuda Adicional.

O prazo de reclamacións será do 19 ao 25 de xuño de 2026

A resolución definitiva farase pública o día 26 de xuño de 2026 na web de cada centro do Consorcio, coa listaxe de persoas seleccionadas e unha lista de agarda, na orde establecida segundo os criterios de baremación.

Se por causa xustificada algún/algunha seleccionado/a non puidese realizar a mobilidade, a vacante pasará a ser cuberta segundo a orde da listaxe de agarda

CALENDARIO PROBAS FINAIS XUÑO 2026

Presentación probas libres FP - CIFP A FARIXA 2026

Programacións:

Valoración da Condición Física e Intervención en Accidentes

Acondicionamento Físico na Auga

Deseño de Productos Turísticos

Inglés

Fitness en Sala Adestramento Polivalente

CUALIFICACIÓNS [5 xuño]

Xornada de portas abertas 27 maio 2026

Melo Viagens e Turismo

A través do programa Erasmus+ de profesores, realízanse prospeccións en países europeos para dar a posibilidade aos/ás nosos/as estudantes de realizar o seu periodo de prácticas fóra de España.

Unha maridaxe excelente para mellorar as súas competencias profesionais e vivir unha experiencia persoal.

Catarina Cymbrou, directora de Melo Viagens e Turismo (Ponta Delgada) e representante das Axencias de Viaxes de Azores, acolleu á nosa profesora de Turismo.

Unha oportunidade única para coñecer os enfoques de xestión da maiorista.

Grazas polo teu interese e colaboración! . . . . . máis información

O CIFP A Farixa acolle o acto de clausura do proxecto “Desenvolvemento de procesos de fabricación flexible e intelixente mediante cobots para a industria 4.0”

O CIFP A Farixa acolleu hoxe o acto de clausura do proxecto “Desenvolvemento de procesos de fabricación flexible e intelixente mediante cobots para a industria 4.0”, unha iniciativa de innovación aplicada á Formación Profesional orientada á transferencia de coñecemento entre centros educativos e empresa.

No acto participaron profesorado e alumnado técnico dos tres centros educativos integrantes do proxecto: o CIFP A Farixa, como centro coordinador; o IES Condestable Álvaro de Luna, de Illescas; e o Institut Rambla Prim, de Barcelona. Tamén participaron técnicos da empresa Powerbots S.L., entidade colaboradora no desenvolvemento técnico da proposta.

Ao longo do proxecto traballouse na integración de tecnoloxías propias da industria 4.0, como a robótica colaborativa, a visión artificial, a sensórica aplicada e os procesos de fabricación flexible. A través desta colaboración, os centros participantes puideron avanzar na creación de contornos didácticos máis próximos á realidade industrial, favorecendo a actualización técnica do profesorado e a adquisición de novas competencias profesionais por parte do alumnado.

Durante a xornada de clausura puxéronse en común os resultados acadados, as aprendizaxes obtidas e as posibilidades de transferencia ás ensinanzas de Formación Profesional, especialmente nos ámbitos da automatización, a robótica, a fabricación mecánica e a mecatrónica industrial.

Este proxecto foi desenvolvido ao abeiro das axudas destinadas á realización de proxectos de innovación e investigación aplicadas e transferencia do coñecemento na Formación Profesional, subvencionado polo Ministerio de Educación, Formación Profesional e Deportes, no marco das actuacións de impulso á innovación na FP.

Dende o CIFP A Farixa queremos agradecer a implicación de todos os centros participantes, do alumnado, do profesorado e da empresa Powerbots S.L., cuxa colaboración fixo posible o desenvolvemento dun proxecto que reforza a conexión entre a Formación Profesional e as necesidades tecnolóxicas actuais do sector produtivo.

O acto de clausura supón o peche formal dunha experiencia de traballo compartido que deixa como resultado materiais, coñecemento técnico e unha rede de colaboración entre centros que poderá seguir xerando novas iniciativas de innovación no futuro.

Visita do alumnado de imaxe e son á CSAG

O alumnado de primeiro de Vídeo DJ e Son e de Produción de audiovisuais e espectáculos do CIFP A Farixa visitou hoxe as instalacións da Radio Galega e da Televisión de Galicia, onde puideron coñecer máis de preto as dinámicas e complexas necesidades técnicas para levar a cabo a programación dos dous organismos de servizo público. Durante a visita, o servizo de Relacións Públicas da CSAG, ao que agradecemos a súa amabilidade, fixo un percorrido co alumnado por todas as instalacións, tanto platós como espazos técnicos e estudos de radio, no que foi posible confraternizar cos profesionais e mesmo asistir a unha pequena actuación en directo do grupo Eladio y los Seres Queridos. . . . máis información

Becas NEAE 2026 / 2027

Solicitudes por vía telemática

Prazo de solicitudes do 19 de maio ao 10 de setembro de 2026

Máis información en:

sede.educación.gob.es

www.educacionyfp.gob.es

becaseducacion.gob.es

Olimpíada de Telecomunicación 2026

O grupo de alumnos e alumnas de 1º de Ciclo Medio de Instalacións de Telecomunicacións formado por Óscar Cadavid, Alejandro Riveiro, Denis Martínez, Hugo Sierra e Francisco Bencomo vén de acadar o 2º premio nos Teleco Games 2026.

O proxecto presentado é un brazo robótico autónomo capaz de detectar redes Wifi fraudulentas, coñecidas como twin evils, evitando posibles ataques de suplantación aos usuarios. Este deseño tamén xera mapas de calor que permiten analizar a intensidade de cobertura.

Ademais de amosar o funcionamento do robot ao xurado, realizaron unha presentación do proxecto tal e como se pode ver nas imaxes. Previamente realizaron un vídeo descritivo da elaboración e funcionamento do robot que o xurado tivo en conta para a clasificación.

O premio acadado consiste en 300 € para os cinco alumnos concursantes . . . máis información La voz de galicia Entrevista

Erasmus+ e Bregal: experiencias e oportunidades para medrar en Europa

No noso centro tivemos o pracer de recibir a visita da empresa Bregal, que realizou unha charla informativa sobre diferentes oportunidades europeas dentro do programa Erasmus+. Durante a sesión, o alumnado puido coñecer de primeira man iniciativas como os Youth Exchange, o European Solidarity Corps e o programa Erasmus for Young Entrepreneurs.

A actividade tivo unha moi boa acollida entre os estudantes, que mostraron un grande interese por estes proxectos internacionais, moitos deles descoñecidos ata o momento para a maioría. Grazas a esta experiencia, o alumnado descubriu novas posibilidades de formación, voluntariado, mobilidade e emprendemento que poden abrirlles portas e mesmo marcar positivamente o seu futuro laboral e persoal.

Desde o centro queremos agradecer a Bregal a súa visita e a oportunidade de achegar ao alumnado información tan útil e inspiradora sobre programas europeos que fomentan a aprendizaxe, a cooperación e o desenvolvemento profesional.